مشكلة فى بوردة اسوس

[ehab12eg]

 

 

الف شكر يا باشمهندس على المعلومات دية
كان عندى استفسار تانى برد اسوس p5pe-vm
تعطى رسالة عند بداية البوت انها فيها مشكلة فى usb
وانها هتغلق بعد 15 ثانية وتقفل البوردة ولما اكنسل الرسالة واعمل للبوردة رستارت تشتغل عادى
انا عملت اية
فرغت البوردة وشلت حجر الساعة
وشحنت البيوس
عملت ضبط المصنع والبوردة بتسيف الاعدادت
ومع كل ده لسة الرسالة بتظهر
ارجو سرعة الرد للاهمية

 

 

[م اسلام معروف]

   

السلام عليكم ورحمة الله وبركاته
كان فيه استفسار بسيط بس
هو ان البوردة لو حطيت لها كونفرتر بتاع يو اس بي تو بي اس تو
هل تشتغل والماوس ينور منه ولا لا

لانه لو مش شغال ولو كنت جربت كمان كارت يو اس بي وحطيت فيه ماوس وما نورش يبقي المشكله عندك تنحصر في تغذية اليو اس بي
وانا كان عندي 2 بوردة من نفس الموديل والحمد لله صلحتهم
لو هي دي الاعراض اخبرنا
وانا متابع

 

 

[ehab12eg]

   

حطيت سوكت ووضعت عالية الكيبورد واشتغلت عاليها ودخلت منها الست اب ولسة الرسالة بتظهر ممكن اعرف اعمل اية

 

 

[محمود النمر]

   

بسم الله
انا بصراحه لسه مبتدئ ومعلوماتى على ادى بس انا ممكن اوضح فكره والله اعلم

انتا اول ما تفتح الجهاز ادخل على السيت اب وجمب كلمه اسمه chassis open قم بتعطيلها عن طريق عملها disable
لو عملتها وبردوا بتعمل نفس العيب يبقى تتاكد من الجمبر الموجود على الماذربورد اللى هتلاقيه بجانب شريحه البايوس وهتلاقيه تحته كلمه chassis اتاكد من وضع الجمبر فى مكانه

بعد كدا لو نفس العيب موجود قم بتغير ite بنفس الرقم


فى النهايه لو عملت نفس العيب يبقى دا عيب فى الشيب south
ممكن تجرب وتابعنى والله اعلم

 

 

[طارق الخضر]

   

انا واجهتني نفس المشكلة

وبعد الفحص تبين انة في فيوز محروق وهو عند سوكت اليو لس بي للتوصيل الامامي وكما يبدو انة قاطع دارة تم استبدالة والنتيجة 100/100

والحمدلله