hatempop55
مهندس جديد
- إنضم
- 27 يونيو 2011
- المشاركات
- 16
- مستوى التفاعل
- 0
شرح لمشاكل علامة اكس والعلامة الصفرا وعدم الاتصال بالانترنت
اعطال النت ورك
( اكس – علامة صفرا – مفيش نت ومفيش علامة لاصفرا ولا اكس – النت بيقطع كتير – مشاكل متعلقة wireless)
اولا : مشكلة اكس
مشكلة اكس يعنى مفيش اتصال وده اسبابه وعلاجه الاتى
1- الكابل مقطوع - الارجيه وما يتعلق بيها ( التارجيه بايظه – الارجيه وحش – الاراجه مش كويسه )
يتعمل اختبار بالتيستر لو طلع مش بينور معاك الاربعه الاساسين
1- غير الارجيه اكتر من مره عشانم تتاكد ان المشكله مش فى الارجيه
2- تانى حاجه غير الكابل لو فضلت المشكله
( يفضل هنا تجرب الاول على كابل اختبار عشان ممكن المشكلة تبقى فى الارجيه نفسه او الاراجه قبل ماتغير الكابل الاصلى كده احسن)
2- كارت النت ورك بايظ او مش متعرف
الحل
1- تتاكد من تعريف كارت النت ورك واتاكد انه مش disable
2- لو التعريف تمام جرب كارت تانى لو اشتغل على كده يبقى تمام
( يفضل هنا تنزل ويندوز الاول عشان ممكن الويندوز يبقى مش تمام فيبقى مش عايز يشغل التعريف كويس )
( وقبل ما تشترى كارت لان للزبون لازم الاول تجرب واحد من عندك ) ملحوظة ( بص على سنون كارن النت عشان ممكن تكون محتاجه تتعدل)
( من الحاجات اللى ممكن تختبر بيها كارت النتورك)
1- تعمل ping عليه
2- لو متوصل على router ادخل على الراوتر
لو الكلام ده محصلش معاك كويس يبقى احتمال كارت النت ورك بايظ
3- الراوتر او السويتش او كارت النت ورك التانى المتصل بيه او ما كان المتصل بيه بايظ يبقى حيدى اكس
( ضرورى تجربة بورت اخر غير اللى كابل متوصل عليه عشان ممكن البورت يكون بايظ )
فى حالة الراوتر مش راضى يتقرا خالص اعمله ريستارت وconfiguration من اول وجديد
اسباب أخرى مهمه جدا
1- اللى بيربط مابين كابلين عشان نطوله ( مش فاكر اسمه)
2- الكابل طوله اطول من 100 متر البيانات حيحصها damage
3- كابل النت ماشى جمب كابل دش او تلفزيون او راديو بياثر على الاشارة بتاعته
ثانيا مشكلة العلامة الصفرا
1- اسبابها وحلولها
شيل الكابل ورجعه تانى
اعمل ريستارت للكمبيوتر
اقفل الراوتر اوالسويتش ورجعه تانى
طرف من اطراف الكابل الاساسيه مقطوعه
فى جهاز تانى على الشبكه واخد نفس الايبى
هو عموما فى مشاكل العلامة الصفرا انت تبص على المشاكل اللى فوق دى بشكل اساسى وتبص كمان على بقيت الحاجات التانيه زى مسببات اكس والحاجات التانيه اللى حنشرحها
ثالثا : مفيش نت ومفيش لا اكس ولا علامة صفرا
اسباب وحلول
1- الايبى ممكن يكون محطوط بالايد مش اوبتين . خليها اوبتين
2- فى فيرس بيفصل النت ومش بيظهر لاكس ولا علامة صفرا
3- غير سرعة كارت النت ورك من configuration الخاص بها
4- كابل التليفون الرئيسى بايظ
5- Splitter بايظ
6- كابل التليفون اللى ما بين splitter والراوتر بايظ
7- مدخل كابل التليفون فى الراوتر بايظ
8- الراوتر متظبط على انه يتعامل مع كارت نت ورك بسرعه معينه والكارت اللى عندى سرعه تانيه
( ده ممكن يدى علامة اكس او علامة صفرا)
9- لو الراوتر متظبط على full/half و كارت النت ورك متظبط على حاجه معاكسه للراوتر
( اكس / علامة صفرا / اتصال بدون انترنت )
10 – ايب غلط او جيت واى غلط
ملحوظه هامة
عند التعامل مع النت ورك يجب التفريق بين شيئين
النت ورك حاجه
والنت حاجه
النت من اول سلك التليفون لغاية الراوتر
اما النت ورك هى من الراوتر لاخر عنصر فى الشبكة
رابعا : النت بيقطع كتير
1- الارجيه
2- splitter
3- كابل التليفون
4- كارت النت ورك مش تمام
انت عموما شيك على الكلام ده وظبطه
- وفى مشاكل فى خط التليفون نفسه يعنى ممكن لما تدخل على النت تلاقى التليفون بيوش ودى ممكت ترجع splitter برضه
خامساً : مشاكل wireless
(كله اللى فات بالظبط)
الجديد بقى
1- معوقات الارسال ( الخرصانة وغيرها)
2- استخدام channel/frequency غير متظبطه مع كارت النت ورك
3- المسافة اللى ممكن يدعمها الويرلس
