هانى الساحر
مؤسسي ريبير
- إنضم
- 25 مارس 2011
- المشاركات
- 7,050
- مستوى التفاعل
- 30
حل مشكلة بور غامضة فى جيجا بايت g31 .
تحية طيبة للجميع هنا ..
على مدى سنة واجهت هذا العطل 4 مرات وكان غريب ومحير ..
وبعد حل مشكلة المازر رقم 4 تاكدت تماما من الحل وقررت اكتب عنة هنا ..
الحالة ..
المازر لا تقوم بور نهائى ..
رفع كابل 12 فولت لا تعمل بورد ..
قفلة على الكريستالة لا تعمل بور ..
توصيل علبة البور لا سخونة على المكونات الهامة مثل الشب او it او غيرهم او منظم البور 1117 ..
قفلة على الخطين الاخضر والاسود سواء بوجود كابل 12 فولت او برفعة لا تعمل ..
الامر محير جدا ..
وكل المكونات سليمة بالقياس
ولا يمكن قياس ضغوط الفولت بدون ان تعمل بور
طبعا اى فك وتركيب وتجارب ها يبقى عك ومنظر غير لائق فى المازر ..
اول مازر استلمتها من سنة بالعيب دة وصاحبها كان خلاص كرها فعلا وجرب غيرى فيها يفك ويقيس ويركب تانى ولا تعمل ..
وقلت كدة كدة منتهية اجرب انا وقعدت افك بالهوت جن شبة فكيت كل اللى ممكن يتشك فية وقيستة سليم ..
الى ان اكتشفت العيب واتصلحت لكن منظر المازر وكانها طالعة من فرن من كثيرة التجارب والفك والتركيب ..
تانى مازر على طول نفس المنطقة ونفس القطع قبل اى شك فى قطع اخرى اشتغلت بور لكن بدون داتا ..
فكيت ال 2 بيوس وشحنتهم اشتغلت داتا ..
ثالث مازر نفس التغير وفتحت داتا وتهنج وتقف على اول شاشة ومع فحوصات سريعة قرتت تسخين بسيط وغير مطول تحت الشب الجنوبى ..
اشتغلت تماما وفلة ..
الاخيرة تغير نفس القطع فتحت واشتغلت تمام لكن او ما تفتح الويندوز تعمل ريست جربت تسطيب وجربت جوست نفس المشكلة وكانت اصلا لا تعمل بور باى طريقة ..
تم مراجعة المازر بدقة بالغة وبالعدسة مع تسخين خفيف تحت الشب الجنوبى ومراجعة سوكت البروسسر على التيستر ..
العيب كان فى بفات ومكثفات سيرميك حول IT تالفة تم تغيرهم واشتغلت تمام ..
/////////////////////////////////////////
العطل الاساسى الذى كان فى 4 مارزات دى ومنها لا تعمل بورد نهائى ولا يمكن قياس او معرفة العطل فين او القطعة التالفة فين وما هى ..
كارت اللان المدمج فى المازر ..
وغريبة فعلا لان الشب الخاص بة لا يسخن ومازر واحدة فقط كان بيسخن بمجرد توصيل علبة البور سخونة ليست عالية ..
:: باستبعاد عيوب عدم قيام البوردة بور الاخرى ::
:: مثل تلف الشب الجنوبى ::
:: تلف IT ::
:: تلف منظم البور 1117 ::
:: قفلات الخط 12 فولت ::
انا بتكلم عن عيب غريب ومنة لا تعمل ابوردة بور نهائيا بأى محاولة
القاعدة الاولى عندى سؤال صاحب المازر احكى لى حصل اية قبل ما تعطل المازر ولما الزبون يحكى بيقول عن معلومات حصل كذا وعملت كذا وبعدها وقفت ..
الامر دة بيسهل عملية التصليح اكثر معرفة حصل اية قبل العطل ..
الكل حكى عن حكاية توصلات النت والشبكات وعن فك الهارد وتغير نسخة الويندوز ..
وتكلموا ايضا عن ان المازر كانت بتهنج كتير وبتقف وتعمل ريست واحيانا تطفى بور ولا تقوم تانى الا بعد فترة من الوقت ..
انا اكتشفت ان تلف كارت اللان او شب الللان فى الموديل دة بيعمل قفلة قوية على المازر كلها وبيمنع اى قيام بور لها ..
لذا دوما خطوتى الاولى فى اى موديل g31 لا يقوم بور برفع شب اللان منها واشوف اشتغلت تمام يبقى انتهت المشكلة ما اشتغلت يبقى ارجع للعيوب الاخرى فى موضوع البور ..
ولما بصلح برجع شب اللان تانى ..
لكن فى 4 مارزات دول تم رفع والغاء شب اللان نهائى المدمج مع المازر مع رفع السوكت الخاص بة نهائيا من المازر وعدم تركيب غيرة ..
الاسباب قفلة على خطوط توصيل اللان فى السوكت مما يتلف كارت اللان ويعمل العطل دة ..
2 مازر منهم سبب التلف حرق السيوتش الموزع لخطوط النت مع تلامس اسلاك وصلة النت عمل قفلة على السوكت وعلى الكارت وحرق شب اللان وقفلة على IT مما جعل المارزات باى طريق لا تقوم بور ..
ملحوظة
الامر مطبق والعطل على الاصدارين
الاصدار الاول بيوس واحد
الاصدار الثانى 2 بيوس
وايضا على 945 التى تشبة g31
واكتفى بهذا القدر من الشرح والتوضيح ..
واتمنى الاستفادة للجميع هنا ..
هانى رفعت ..