حل مشكلة صعبة فى مازر uatx g41

[هانى الساحر]

 

 

تحية طيبة الى الجميع هنا ..
معنا اليوم مازر نادرة للغاية وغير منتشرة تصنيع خاص للاتحاد الاوربى ..

للمزيد من المعلومات عنها على الرابط التالى ::

http://www.aliexpress.com/store/product/G41-DDR3-H-IG41-uATX-G41-ICH7-chipset-582679-001-slic-2-1-motherboard-for-HP/901590_444257486.html

القصة بتقول ..
جانى شخص بجهاز حديث ارسلة لة والدة من السعودية
والاب بيقول انا ارسلت الجهاز شغال
الابن بيقول الجهاز وصل ومش شغال
قلت افحص
انى اعرف نوع المازر لا يمكن
المازر بعد التجربة اكثر من مرة وفحص
لمبات كارت التيستر لا اضاءة
البروسسر لا يسخن
لا داتا
ولا يوجد لها قطع غيار
مازر غريبة جدا
ولا تشابة فى القطع مع اى مازر اخرى
:: انتهى الامر ::
:: تحت الحيطة ::
وكان كلامى دة ليس لوحدة بل كلام اخرين متخصصين صيانة
لا حل لهذة المازر
فكيتها من الكيسة واشتريتها للتقطيع من 4 شهور
ونقول فى ليلة بكى فيها القمر قررت اشوفها تانى

انا رسمت مربع احمر على منطقة فى المازر محيرة اشبة بقطعة
ودائرة فى اجهزة اللاب توب
ودى كانت اساس الجدل ان فى قطعة ناقصة فى المازر
ولن تتخيلوا العطل كان محير وصعب ولة عدة محاور
اولا المازر دى مش بتقبل اى بروسسر بسهولة
الا الدويل كور او ما اشبة ذلك
يعنى بروسسر 3 كاش 2 ميجا لا
لازم البروسسر يبدأ
بالكود E3300 فيما اعلى وسلرون
جربت فيها 5 بروسسرات
قبلت فقط 2.5 كاش 1 ميجا باس 800
بكود e3300
وهنا نورت لمبات كارت التيستر وسخن البروسسر
لكن لا صفارة رمات ولا داتا ..
اول شئ المازر فيها جنابر كثيرة لازم مرجعتها طبقا للمكتوب على المازر
تم المراجعة والتظبيط
مع تسخين خفيف تحت الشب الجنوبى
تجربة صفارة رامات
نركب رمات لا صفارة ولا داتا ..
يا مسهل فى امل برضة ..
فى مربع تانى مرسوم حول موحد تيار فى اتجاة واحد دة كان تالف
لانى قيست كل القطع والضغوط فى المازر
تم تغيرة باخر مشابة من بوردة هارد 160 ساتا
وتجربة اشتغلت المازر تمام
وفتحت داتا وويندوز وفلة وسريعة جدا ..
////////////////////
أسباب الاعطال فيها ::
الكيسة جات مسافرة برى من السعودية مع عدم الرعاية الكاملة
يعنى تخبيط وشيل وحط ودماغك ..
وكانت المازر غير مثبتة جيديا فى الكيسة
مما سبب فصل فى اطراف الشب الجنوبى
غير تجارب الاخرين فى فك وتركب بروسسرات عليها
وطبعا الاصلى اللى كان فيها الله اعلم راح فين
اللى فكيتة منها كان 3.2 كاش 2 ميجا
وكانت المازر ما تقبلة ولا تشتغل بة
ومع التجارب ايضا من غيرى
تلف هذة الموحد ودة خاص بتغذية الاخراج على الشاشة
يعنى الاعطال لا تذكر
وناتجة عن النقل والتجارب الخطأ
طبعا انا لم اجرب كثيرة فيها
مجرد فحوصات وكام بروسسر ورامة وكذا كارت تيستر قولت انها لا تنفع
لكن لما فكرت فيها بعد شهور
وقلت اشوفها تانى للمرة الاخيرة
تسالى
لاقيت امل
وها انشر قصتها بالتفصيل للمعلومة للجميع
لربما احد تاتى الية هذة النوعية عطلانة ..
هانى رفعت

​

 

 

[TARIQ_ALKDR]

   

رد: حل مشكلة صعبة فى مازر uatx g41

لا انا اعتقد الجهاز وصل شغال ولكن عند تركيبة ركب كبل الشاشة بالمقلوب فاصبح ارضي على الفولت والطبيعي ان الافندي بيستنى الجهاز يشتغل لحدما تعطل

هذا اغلب الظن