حل مشكله بطئ الهارد في البورد 1640 واعلي .....

[elalmany]

 

 

هل من حل البطئ في الهاردات من اول 320 جيجا
ليس كل الهاردات ولكن معظمهم 1640 مع العلم اني قد قمت بعمل كلير جي ليست وبي ليست وكلير ترانزليتور وكمان سيلف سكان ولا جديد نفس البطئ وشحنت روم جديد وكتبت موديولات جديده بنفس الفريم وير و........
عملت كل حاجه وبردو البطئ هو هو
ايه الحل بال wdr​

 

 

[soliman]

   

رد: حل مشكله بطئ الهارد في البورد 1640 واعلي .....

طيب جربت تغير البوردة؟ لانها ممكن تسبب العيب ده

 

 

[هانى الساحر]

   

رد: حل مشكله بطئ الهارد في البورد 1640 واعلي .....

اولا راجع هذا الموضوع للافادة ..
http://www.reepair.net/vb/showthread.php?t=11311

وانا واجهت هذة المشاكل فى السلفجن واعتقد انها عامة ايضا مع هذا البرنامج مشكلة البطئ فى اول 5 جيجا فى هاردات كثيرة ..
انا تكلمت فى موضوع الارشادات عن نظافة بوردة الهارد ومراجعتها ..
وعيوب البطئ لا علاقة لة ببوردة الهارد الا لو كان فى تلف فى مداخل البور الرئيسية للبوردة ..
ثانيا فى بعض الاغبياء فى مجال الصيانة كل ما يفكر يسطب نسخة ويندوز على الهارد ما بيراجع ولا يفحص بادات ولا يصلحها ولا بيفكر يغير كابل الساتا او كابل بور الهارد لانهم من سخونة الهارد اثناء التشغيل لشهور بيتلفوا ..
ومع كثرة الفورمات وتسطيب الويندوز فى هذة الحالات بيحصل بطى فى اول 5 جيجا فى الهارد ولا يشترك موديل معين المشكلة عامة على الهاردات 320 جيجا و 500 جيجا تحديدا وخصوصا الرويال الازرق او الاخضر ..
والسؤال المهم جدا هل البطئ فى الهارد كلة ولا البطى فى منطقة معينة منة ..
لو كان البطى فى الهارد كلة من اول الهارد لاخر الهارد يبقى مشكلة هدود او شب فى بوردة الهارد بعد استبعاد موضوع نظافة الاكسدة فى بوردة الهارد والكابلات ..
لو فى منطقة معينة وخصوصا اول الهارد كل الخطوات التى قمت بها من شحن فريم وير وخلافة غير فعالة ..
الفعال فقط الفورمات ولو فشلت خطوة الفورمات يبقى الحل الاخير تعزل المساحة وتكون بون جديد للهارد لتسطيب الويندوز علية ..
وافضل برنامج لعمل الخطوة دى هو ::
http://www.reepair.net/vb/showthread.php?t=6662

وانا شخصيا عملت كدة مرات عديدة بعد فشل كل المحاولات بالسلفجن والبرامج الاخرى ..
انى اعزل المنطقة البطيئة او التالفة فى اول الهارد واعمل بارتيشن بريميرى جديد فى منطقة بعدها وافعلة لتركيب الويندوز علية ..
مع التنبية على صاحب الهارد بعدم تقسيم الهارد مرة اخرى وان فعل لازم يعزل المنطقة دى ..
وفى هاردات بتبقى مشكلتها اصعب دوما وبعد طن فورمات بكل شكل على السلفجن البادات موجودة كما هى فى اول الهارد فقط مع بطئ شديد ونفس الامر بيتم عزل هذة المنطقة وهذة المساحة كا حل اخير ..

واكتفى بهذا القدر من الحوار ..

 

 

[zico]

   

رد: حل مشكله بطئ الهارد في البورد 1640 واعلي .....

مشكور اخى الكريم

 

 

[م/محمد نعمان]

   

رد: حل مشكله بطئ الهارد في البورد 1640 واعلي .....

مشكله بطء الهارد مش شرط 1640 بيكون في مديولات بايظه او المكان الي موجوده عليه التراك بايظ والمفروض متعملش كلير بي ليست وجي ليست لان المفروض هتعرف المشكله فين