محمد خلاف
مراقب
- إنضم
- 27 يناير 2014
- المشاركات
- 1,026
- مستوى التفاعل
- 15
الضربة القاضية لجميع مشاكل الفلاشات ديسك
شــــــــــرح الضربة القاضيــــــــة للفلاشــــــــات ديســـــــــك
بسبب عدد الاسئلة والطلبات والاستفسارات والمشاكل التي تطرح من اخوانا الكرام في منتدانا الغالي من اعطال ومشاكل الفلاشات حبيت النهاردة اعمل لكم موضوع شامل باذن الله لكل المشاكل اللي بتقابلكم وياريت اخوانا الكرام اللي يعمل كل ده وميلاقيش حل يعمل مشاركة جديدة وانشاء الله نلاقي ليها حل وانشاء الله يعجبكم الموضوع وفيه انشاء الله جميع برامج معرفة بيانات الفلاشة وجميع ادوات فورمات الفلاشة وجميع السوفتات اللي هنحتاجها وكمان شرح انشاء الله يكون كافي بقدر الامكان وهرفق معاه تقريبا كل الادوات اللي هنحتاجها باذن الله .
اولا
المشاكل اللي بتقابلنا
1- الكمبيوتر لا يقرأ الفلاشة اصلا .
2- يقرأ الفلاشة ولكن لا يقوم بالفورمات .
3- يقوم بالفورمات ولكن الحجم صفر .
4- يتم الفورمات ولكن الصيغة RAW .
5- يقرا الفلاشة ولكن تأتي رسالة الرجاء أدراج قرص في محرك الأقراص .
6- الفلاشه محمية ضد الكتابة او القراءة .
7- الفلاشة حجمها 8 وبتقرا 2 جيجا مثلا .
8- الفلاشة حجمها 32 ومش بتحمل اكتر من 16 جيجا .
9- كل مرة توضع الفلاشة في الكمبيوتر تطلب فورمات واحيانا تختفي الملفات .
خطوات اساسية للتأكد من عطل الفلاشة
1- حاول تغيير مكان أدخال الفلاش الى منفذ آخر في الجهاز .
2- قم بتركيب الفلاش مباشر على الجهاز بدون توصيلات او ملتي يو اس بي .
3- قم بتجربة الفورمات على جهاز ثاني ويفضل بنظام مختلف .
4- بالنسبة للمشكلة رقم 7 و 8 و 9 هيبقى الحل كالتالي
- طبعا للتحقق من جودة الفلاشة والحجم الاصلي لها هنحمل الاداة دي من هنا أكاديميـــــــة ريبير
وهنا هنقدر نعرف ان الفلاشة دي حجمها حقيقي ولا مزور لمعرفة الحل للمشكلة رقم 9 ونعرف كمان مدى جودتها لان بسم الله ما شاء الله الصين عاملة فلاشات حجمها 265 او 120 جيجا وتحمل عليها متاخودش اكتر من 16 او 32 جيجا وتشوف خصائص الفلاشة تلاقيها فعلا زي ما بيقولو وده بيرجع لانهم قاموا بدمج التعريفات والخصائص دي داخل برنامج الفرم وير اللي اتكلمنا عليه قبل كده وهنا صور الشرح للاداة لمعرفة البيانات دي تعالوا نشوف ....
نفتح البرنامج ونختار فلاشتنا ونطبق الشرح مع مراعاة انو ياخود شوية وقت ..
تـــابع الشـــرح
بعد التحميل
فك اضغط
ننقر 2
ثم نختار select target
لتحديد USB
ok
نضغط على verify
7.3 MByte ok صالح للإستخدام
139.6MByte data LOST (285907 sectors
غيرصالح للإستخدام
فهذا لقد إستفدت من 7.3MB وليس GB1 فإن و ضعت بيناتي في 139.6 فستدمر أو لن تنسخ بيناتي في usb
بالنسبة لمشاكل الحجم والفورمات والقرص محمي وغيره هنجرب نستخدم اي اداه من الادوات التالية للفورمات " لتحميل الاداة اضغط على اسمها " وطبعا سهلة التعامل والاستخدام وانشاء الله تحل بعض المشاكل لدى الاخوة
الاداة الاولى
ودي اداه تصلح لجميع أنواع الفلاش وللهارد ايضا بتعمل تهيئة بطيئة جدا للفلاشة او الهارد بحيث استحالة استعادة الملفات بعدها ياريت الحذر فاختيار الهارد بدل الفلاشة منعا للندم .
الاداة الثانية
لجميع الانواع بالاضافة الى انك تقدر تفرمت بيها الى NTFS وده هيخليك تقدر تحمل ملفات ضخمة مرة واحدة على الفلاش بدل ما يقولك الفلاشة ممتلئة .
الاداة الثالثة
تصلح لجميع الانواع ايضا ولكن تقوم بعمل سكان للباد بلوك زي الباد سيكتور بتاع الكمبيوتر كده وتعمله اصلاح ومرفق معها الشرح الكامل
الاداة الرابعة
ودي اداة ممتازة وسريعة وبتقسم الفلاشة من جديد بالاضافة الى انك تقدر تفرمت بيها الى NTFS
الاداة الخامسة
ومن اسمها انها بتفرمت اي نوع بجد مفيدة للكل
الاداة السادسة
ودي اداة مختصة بنوع فلاشات معالجها 3S او Solid Stat System
الاداة السابعة
من اسمها مختصة بفلاشات الكينج ستون
الاداة الثامنة
وتصلح لانواع عديدة وخصوصا الكينج ستون ممتازة بجد
الاداة التاسعة
كما هو واضح من اسمها فهي مفيدة لفلاشات كينج ماكس
الاداة العاشرة
ودي طبعا مختصة بفلاشات نوع معالجها Phison
الاداة الحادية عشر
ومن اسمها هنعرف انها لفلاشات من نوع سانديسك " اعوذ بالله " نوع رخم هتعرفو ليه
طيب منفعتش الحلول دي هنعمل ايه ؟؟؟
اولا لو فلاشتك جديدة ومن ماركة يعني ومعاها ضمان افضل حل انك ترجعها وتجيب بدالها دي نصيحة بجد مهمة ثانيا الفلاشة قديمة او انت مصمم مثلا اقولك يا سيدي العطل هيبقى في حاجة من اتنين يا Hardware يا اما Software طيب نبدأ بمشاكل الهاردوير ونختم بالسوفتوير ...
هنا نشوف اسباب عطل الفلاشة بالنسبة للهارد وير
1- تعطل البرنامج الخاص بعمليات الفلاشة Firmware " سوفت " .
2- فصل في أرجل ايسي الفلاش .
3- رأس الفلاشة (اليو اس بي ) قد يكون بها فصل فك لحام او أكسدة من الداخل تسبب عملية الفصل .
4- شدة الانتباه ان ممكن يكون سبب هذا العطل فيرس على الكمبيوتراو على الفلاشة ودي حصلت كتير .
5- عطل في مداخل اليو اس بي في الكمبيوتر
طيب نرجع لمشكلتنا بالنسبة للهاردوير المشكلة تتلخص في التالي :
1- فصل في أرجل ايسي الفلاش ودي هنعيد اللحام على أرجلها ويجب التأكد بعدسة مكبرة من العمل .
2- رأس الفلاشة (اليو اس بي ) قد يكون بها صدأ او تم فك اللحام او أكسدة من الداخل تسبب عملية الفصل لذلك يجب التأكد منها ومن نظافتها .
3- مقاومة عند مدخل اليو أس بي قيمتها غالبا 2r2 قم بتبديلها عند التلف هنا قم بوصل الفلاشة بالجهاز ثم اعمل قفله بالملقط على طرفي المقاومة للتأكد منها .
4- مولد النبضة (الكريستالة ) طبعا من اسمها معروفة وهي من المسببات الأساسية في عدم رؤية الجهاز للفلاشة و مشكلة عدم التعرف على جهاز يو اس بي " المشكلة الشهيرة " طبعا وهناك سبب أخر لمشكلة عدم التعرف على جهاز يو اس بي وهي تلف المعالج أو تلف أي سي الفلاشة وده لو متوافر عندك بتستبدله ولو مفيش اوفرلك اشتري فلاشة .
هنيجي بقى لمرحلة السوفت وير ودي هتبقى على اوسع شوية وعشان نفهم اكتر يبقى دي كدة مقدمة صغيرة عن اهم مكونات الفلاشة اللي بيدور محور موضوعنا عليهم عشان نعرف احنا بنتعامل مع ايه بالزبط وانشاء الله كل واحد يقدر يصلح فلاشتة بنفسه ..
الفلاش ميموري
تتألف الفلاشة من عنصرين أساسين هما
1- Control chip : رقاقة التحكم و يوجد عليها برنامج اسمه Firmware
( ودة طبعا بيحدد النوع " الماركة " والسعة التخزينية وكل شيء خاص بالفلاشة شبه البايوس بتاع الكمبيوتر )
2- Memory chip : شريحة الذاكرة ودي اللي بنخزن عليها الملفات بتاعتنا ونعمل عليها فورمات وغيرها
صورة Control chip
وهذة صورة لعنصر التخزين
Memory chip
كل الحلول والبرامج اللي بنشتغل بيها مثلا لعمل فورمات او غيره بتتنفذ على Memory chip والمسئول عن تنفيذ العمليات دي هو برنامج Firmware وده اللي قلنا انو موجود داخل Control chip وطبعا لما نيأس من الحلول كلها ببرامج الفورمات والاوامر وغيره يبقى العطل اصبح في برنامج Firmware داخل رقاقة التحكم وهنا بيكون الحل في ازالة الفيرم وير المعطوب وتنزيل Firmware اخر .
بكده نكون عرفنا تقريبا كل حاجة عن الفلاشات وفكرة العمل وطريقة اصلاح العطل بالنسبة للهارد وير وفهمنا ازاي هنتعامل معاها .
قريبــــا ســوف اشــرح لكــم كيفيــة تنــزيل الســـوفـت
تحياتى لكل اسرة أكاديميــة ريبيــر
