Salah Elsayed
الإدارة
- إنضم
- 1 مارس 2009
- المشاركات
- 181
- مستوى التفاعل
- 63
خطوات عامة ومهمه لشحن فلاشات الشاشات
السلام عليكم ورحمة الله وبركاتة
هتكلم النهاردة عن مشاكل السوفت وير زى ما قابلتنى فى شغل الشاشات العادية والاسمارت
هتكلم النهاردة عن مشاكل السوفت وير زى ما قابلتنى فى شغل الشاشات العادية والاسمارت
- مش كل عطل يقابلك سوفت
- افحص فولتات الاول لو كل الفولتات سليمة يبقى يا شحن يا بروسيسور ( دى القاعدة لكن ليها شاذة واحدة قابلتنى هحكى عنها فى موضوع لوحدة )
- فحص الفولت مش بس انه موجود ولا لا لازم تتأكد انه مستقر مش مذبذب
- خد نسخة احتياطية الاول قبل ما تشحن الفلاشة. والافضل تشحن فلاشة من بوردة تقطيع وتسيب القديمة
- بلاش تحط اعتمادك فى الاساس على مبرمجة الشحن بسوكت الفيجا او الHDMI لانهم فى الغالب مبيشغلوش فى الاجهزة الحديثة دة غير انك فى بعض الاحيان محتاج تفك الشاشة عشان تعمل قفله الحماية
- حاول الاول تشتغل بفلاشة USB ( معظم الاجهزة بيكون ليها طريقة لاجبار الجهاز يعمل سوفت ) بس لما تكون متأكد من الملف عشان فى الحالة دى مش هيكون معاك الملف القديم
- حاول تقارن BUFFER بين الملف القديم والجديد عشان تفهم ان الملف دة فعلا ممكن يشتغل ولا لا .( بتحتاج خبرة عشان تقدر تحدد منها )
- عند فك الفلاشة بالهوت اير خلى الهواء قليل والحرارة قليلة عشان المقاومات والكريستالة ممكن تبقى جنب الفلاشة والسخونية الكتير غلط على الكريستالة
- لما يجيلك جهاز جديد حاول تاخد نسخة منه حتى لو كان سمارت ( معظم الشاشات السمارت بيكون فيها فلاشة عادية للتقويم منها هى دى الى هتاخد منها) حتى لو كان عطلان
- حاول تسجل موديل البانل الى راكب فى الشاشة بيسهل شغل كتير عليك بعد كدة
- الاسمارت طبعا الباك اب بتاعه بطء جدا بس حاول لو مفيش وقت تاخد ملفين البوت الى بيكون مساحتهم صغيرة هينفعوا لو عملت سوفت بملف غلط
- حاول قدر المستطاع ترفع ملفاتك على منتدى بيساعد الفنيين ومبيحتكرش الفلاشات الموضوع ثواب وذكاة علم
التعديل الأخير:
