ما هو افضل جهاز لشحن البايوس

[electron]

 

 

ما هو افضل جهاز لشحن البايوس ويصلح لكل البورد وكم سعره

 

 

[NOOOOR]

   

رد: ما هو افضل جهاز لشحن البايوس

لا يوجد شىء اسمه افضل جهاز ولكن ايه المطلوب توفره في احتياجاتك على ذلك يتم تحديدالجهاز

 

 

[electron]

   

رد: ما هو افضل جهاز لشحن البايوس

جهاز يشحن بورد 945 و اسوس msi , foxconn والجيجا بايت بموديلاتها القديمه والحديثه
هل الجهاز ده موجود ويعمل كام

 

 

[محمدالعربي]

   

رد: ما هو افضل جهاز لشحن البايوس

السلام عليكم ورحمة الله وبركاته

اولا لو السؤال من ناحية الافضل يبقى مينفعش نقول افضل جهاز شحن البايوس لان البيوس ده شئ بسيط ..

كان المفروض يبقى السؤال ما هي افضل مبرمجه شحن لكل شئ وهنا الموضوع هايكبر قوي ومش هاتشتري ما هو افضل لان ثمنها يوصل 16 الف جنيه .. والانواع كتير وطبعا هاتكون اوريجينال زي التوب ماكس والبي بروج بلاص ودي حاجات عالية جدا ..

اما باختصار طالما حضرتك سألت سؤال زي ده يبقى تشتري المبرمجه اللي أغلب الناس شغالة بيها وهي وليم

والفائده في الوليم انها مجربه من كل اعضاء كل المنتديات وليها الشرح وكل من عمل في مجال الكمبيوتر اكيد اشتغل بيها وسعرها اقل سعر وتفي بالغرض للبيوس والريسيفر وابرومات التليفزيون والشاشات lcd واغلب الاجهزه ومع ذلك هي مخصصه او متقدمه في موضوع البيوس ..

اما لو حبيت تجيب اعلى منها وشغالة وطبعا اقوى وسهله في الاستخدام فعليك بال سمارت برو وهاتلاقي ليها عرض في منتجات شركة ريبير .. والسهوله طبعا مش في استخدام البرنامج لالا السهوله لانك مش هاتحتاج تضبط جنابر في المبرمجه ولا تحتاج تضبط سوتشات وكمان ادبتر واحد يركب عليه الفيرموير والفلاش وخلافه
وطبعا دي سهولة نسبيه ..

اما عن نفسي انا شغال بوليم ولو حبيت اشتري غيرها اشتري سمارت برو او اعلى منها بي بروج وهاتكون في حدود 4 الاف جنيه ودي كوبي مش اصلي ..
واخيرا ميزة جميلة جدا في المبرمجات العالية هي انها بتعمل على ال usb لكن الوليم عيبها انها تعمل على ال Parallel
لو تقدر تشتري غير الوليم خليك في اسمارت برو افضل

بالتوفيق

 

 

[electron]

   

رد: ما هو افضل جهاز لشحن البايوس

جزاك الله خيرا يابشمهندس محمد كلام حضرتك وافى جدا
ممكن تقولى سعر الوليم والسمارت برو كام
وهل الParallel وصله تانيه بتركب فيها الوليم ولا حضرتك تقصد فتحه الpci فى الكمبيوتر ولا هى حاجه تانيه خالص