الحقونى فى صيانة بوردة لاب توب Compaq nx6110
انا من اسكندرية
بصوا يا جماعة الجهاز Compaq nx6110 كان شغال كويس لغاية ما ابتديت احطه على رجلى و انا قاعد اشتغل عليه و فجأة بدء يعلق و يهنج
شكيت فى انه اتقوس رحت حطيته على ترابيزة مستوية لقيته شغال بس كل لما المسه يعلق
شيلت الكيبورد و قعدت اضغط على كل حتة تحت الكيبورد و هو شغال لقيت كل الى ضغطت عليه سليم
فتحت مصارينه و حياتكم لاول مرة فى حياتى و لعلمكم ده اول لاب توب افتحه و العب فيه يعنى ...واحدة واحدة عليا و نبى و محدش يضحك
المهم...قدرت اوصل للعيب بالضغط بظهر قلم بلاستيك و هو مكثف صغير تحت شيب ال SMC
اشتغل الجهاز مية مية لمدة اسبوع و بعدين هوب ظهرت مشكلة مشابهة كل لما اضغط ناحية زرار الباور الجهاز يشتغل كويس
فتحته للمرة الثانية و هاتك يا تسخين على البوردة و برده المشكلة قائمة
قلت بقى مفيش غير انى احط فلاكس علشان يمكن القصدير مش قادر يلم مع بعضه
اشتريت العلبة دى ب 25 جنيه من محل زيتون فى العصافرة و دهنت كل ارجل الايسيهات و سخنت عليهم بالهوت اير
بس يا جماعة الجهاز محطش منطق
قولت اخلع الايسيهات واحد واحد و اركبهم تانى بالهوت اير مهو انا عندت معاه لانى زهقت من تعليق الجهاز
اخلع كل ايسى الاقى بلاك اسود تحتيه ااقوم منظف بالتنر و بعدين البنزين و اركبه تانى و اجرب لحد لماااااا من عصبيتى فقدت تركيزى و نسيت ارقام الايسيهات رايحة فين و جاية منين
قولت بقى انا لازم ادور على خريطة البوردة للموديل ده فوجدت خريطة الموديل بس مختلفة فى ال SMC فاستغربت جدا
المهم قولت يا عم انا زهقت من البوردة دى و شكل الفلاكس هو الى قطع البوردة لانه مغشوش طيب ما اروح اشترى بوردة تانية بلا وجع دماغ....كل لما اسأل عليها ملقيش
لحد لما حلفت ما انا راجع البيت الى و معايا واحدة و فعلا لقيت واحدة عند واحد فى سموحة و قال لى دى قطعت بسبب شيبت الفيجا قولت له هاتها يا عم الحاج و رجعت البيت افاجأ انها نفس الموديل بالظبط و لكن قيم المقومات مختلفة و الايسيهات ارقامها مختلفة و بنفس شيب ال SMC !!!
قولت انقل الايسيهات بس من البوردة الى اشتريتها للبوردة القديمة و عينكم متشوفوا الا النور اول واحد انقله ولع فى وشى و مكانه اهو
ركنته على جنب و ركبت القديم تانى
و رحت داخل على ايسيهات المروحة هوب ضرب التانى رحت قايم و طافى كل حاجة و طلعت اعض فى سنانى و قلت اخرج ...لما رجعت لقيت بنتى الصغيرة الشقية فوق المكتب و منعكشة الايسيهات قلت فداها!!
طبعا كملت يا جماعة ده نحس مزمن و صابنى
من الآخر و من غير طول حديث ايه ارقام الايسيهات و ترتيبهم فى الحتة الى جنب سوكيت المروحة؟
بصوا يا جماعة الجهاز Compaq nx6110 كان شغال كويس لغاية ما ابتديت احطه على رجلى و انا قاعد اشتغل عليه و فجأة بدء يعلق و يهنج
شكيت فى انه اتقوس رحت حطيته على ترابيزة مستوية لقيته شغال بس كل لما المسه يعلق
شيلت الكيبورد و قعدت اضغط على كل حتة تحت الكيبورد و هو شغال لقيت كل الى ضغطت عليه سليم
فتحت مصارينه و حياتكم لاول مرة فى حياتى و لعلمكم ده اول لاب توب افتحه و العب فيه يعنى ...واحدة واحدة عليا و نبى و محدش يضحك
المهم...قدرت اوصل للعيب بالضغط بظهر قلم بلاستيك و هو مكثف صغير تحت شيب ال SMC
اشتغل الجهاز مية مية لمدة اسبوع و بعدين هوب ظهرت مشكلة مشابهة كل لما اضغط ناحية زرار الباور الجهاز يشتغل كويس
فتحته للمرة الثانية و هاتك يا تسخين على البوردة و برده المشكلة قائمة
قلت بقى مفيش غير انى احط فلاكس علشان يمكن القصدير مش قادر يلم مع بعضه
اشتريت العلبة دى ب 25 جنيه من محل زيتون فى العصافرة و دهنت كل ارجل الايسيهات و سخنت عليهم بالهوت اير
بس يا جماعة الجهاز محطش منطق
قولت اخلع الايسيهات واحد واحد و اركبهم تانى بالهوت اير مهو انا عندت معاه لانى زهقت من تعليق الجهاز
اخلع كل ايسى الاقى بلاك اسود تحتيه ااقوم منظف بالتنر و بعدين البنزين و اركبه تانى و اجرب لحد لماااااا من عصبيتى فقدت تركيزى و نسيت ارقام الايسيهات رايحة فين و جاية منين
قولت بقى انا لازم ادور على خريطة البوردة للموديل ده فوجدت خريطة الموديل بس مختلفة فى ال SMC فاستغربت جدا
المهم قولت يا عم انا زهقت من البوردة دى و شكل الفلاكس هو الى قطع البوردة لانه مغشوش طيب ما اروح اشترى بوردة تانية بلا وجع دماغ....كل لما اسأل عليها ملقيش
لحد لما حلفت ما انا راجع البيت الى و معايا واحدة و فعلا لقيت واحدة عند واحد فى سموحة و قال لى دى قطعت بسبب شيبت الفيجا قولت له هاتها يا عم الحاج و رجعت البيت افاجأ انها نفس الموديل بالظبط و لكن قيم المقومات مختلفة و الايسيهات ارقامها مختلفة و بنفس شيب ال SMC !!!
قولت انقل الايسيهات بس من البوردة الى اشتريتها للبوردة القديمة و عينكم متشوفوا الا النور اول واحد انقله ولع فى وشى و مكانه اهو
ركنته على جنب و ركبت القديم تانى
و رحت داخل على ايسيهات المروحة هوب ضرب التانى رحت قايم و طافى كل حاجة و طلعت اعض فى سنانى و قلت اخرج ...لما رجعت لقيت بنتى الصغيرة الشقية فوق المكتب و منعكشة الايسيهات قلت فداها!!
طبعا كملت يا جماعة ده نحس مزمن و صابنى
من الآخر و من غير طول حديث ايه ارقام الايسيهات و ترتيبهم فى الحتة الى جنب سوكيت المروحة؟
