مشكلة تقريبا فى الماذربورد !!!! مش عارف بس هى مغلبانى :(

[Amr0023]

 

 

عندى جهاز بالامكانيات دى

:

بروسيسور : intel core2duo 2.9/3mb cashe
رامات : 2gb kingston ddr3 1333
مازربورد : gigabyte g41mt-s2
هارد : western digital 500 gb blue
سى دى روم : asus dvd writer 24x
كيسة : cooler master usp 100

و الجهاز كان شغال زى الفل و ابتدت المشكلة لما رحت اشتريت رامة 4 جيجا اضافية للجهاز عشان اخلى الرامات 6 جيجا من ساعتها الجهاز فى المشكلة دى

:
لما اجى افتح الجهاز بيفتح بى بطئ شديد النت قاطع مع العلم ان الى معايا فى الشبكة النت شغال عندهم و الصوت بيقطع تشغل اغنية او فيلم تلاقى الصوت و الصورة بيقطعوا
و الى جابها الارض بقى انى لما اطفى الجهاز الاقى الويندوز عمل shut down و الشاشة طفت و الكيسة لسة منورة و كل محتويتها شغالة

بروسيسور شغال الفانات شغالة الهارد شغال الدى فى دى شغال و مش عايزة تطفى

مع العلم انى غير الرامة ال 4 جيجا 3 مرات من المحل و غيرت الرامة القديمة 2 جيجا مرة من الضمان و وديت المازر بورد للضمان و رجعوهالى و قالولى ان مفيهاش حاجة و اخر ما ظهقت رجعت الرامة ال 4 جيجا للراجل و خدت مكانها رامة 2 جيجا لتصبح رامات الجهاز 4 جيجا مع وجود نفس المشكلة
و قالولى ان العيب فى الباور صبلاى لانه صينى و كدة فغيرته بواحد اوريجنال coolermaster 500 watt
و مازالت المشكلة موجودة

فى حل ولا اروح اولع فى الكيسة عشان انا ظهقت منها

و اسف للاطالة

​

 

 

[TARIQ_ALKDR]

   

رد: مشكلة تقريبا فى الماذربورد !!!! مش عارف بس هى مغلبانى

السؤال الاول : على الرامة القديمة (2جيجا ) شغال كويس ولا لأ

2- هل جربت الرامة 4جيجا وحدها

خلاصة الكلام عدم توافق بين الرامتين
جربه على رامة واحجة سواء 2 او 4 جيجا

او رامتين من نفس النوع والتردد (غير مستحسن)

 

 

[هانى الساحر]

   

رد: مشكلة تقريبا فى الماذربورد !!!! مش عارف بس هى مغلبانى

ركز فى الخطوات التالية ::

1 - ركب رامة 2 جيجا وراج الهارد ديسك سليم او فية باد سيكتور وخصوصا فى اول 15 جيجا منة ..
2 - ركب كابل ساتا بور وساتا داتا للهارد جديد ..
3 - سطب نسخة ويندوز سليمة xp sp3 .
4 - راجع المروحة الخاصة بالبروسسر ومعدل سخونتة فى المازر بورد عن طريق شاشة البيوس ..
مازال العيب والعطل موجود ..
جرب نسخة سيفن ..
مازال العيب والعطل موجود ..
يبقى حصل تلف فى تغذية الرمات من تحميل خطا على المازر بورد فى تركيب رمات غير متوافقة معا او تركب بصورة غير كاملة وسليمة للرمات ..
ودة موسفيت بيحصل لة نسبة فشل وتفويت وبيكون بين المكثفات اعلى خلف الرمات يجب تغيرة ..

 

 

[Amr0023]

   

رد: مشكلة تقريبا فى الماذربورد !!!! مش عارف بس هى مغلبانى

السؤال الاول : على الرامة القديمة (2جيجا ) شغال كويس ولا لأ

2- هل جربت الرامة 4جيجا وحدها

خلاصة الكلام عدم توافق بين الرامتين
جربه على رامة واحجة سواء 2 او 4 جيجا

او رامتين من نفس النوع والتردد (غير مستحسن)

اجابة السؤال الاول : احيانا بيعمل المشكلة لكن مش على طول زى الرامة الجديدة

اجابة السؤال التانى : نعم و عملت نفس المشكلة

 

 

[Amr0023]

   

رد: مشكلة تقريبا فى الماذربورد !!!! مش عارف بس هى مغلبانى

ركز فى الخطوات التالية ::

1 - ركب رامة 2 جيجا وراج الهارد ديسك سليم او فية باد سيكتور وخصوصا فى اول 15 جيجا منة ..
2 - ركب كابل ساتا بور وساتا داتا للهارد جديد ..
3 - سطب نسخة ويندوز سليمة xp sp3 .
4 - راجع المروحة الخاصة بالبروسسر ومعدل سخونتة فى المازر بورد عن طريق شاشة البيوس ..
مازال العيب والعطل موجود ..
جرب نسخة سيفن ..
مازال العيب والعطل موجود ..
يبقى حصل تلف فى تغذية الرمات من تحميل خطا على المازر بورد فى تركيب رمات غير متوافقة معا او تركب بصورة غير كاملة وسليمة للرمات ..
ودة موسفيت بيحصل لة نسبة فشل وتفويت وبيكون بين المكثفات اعلى خلف الرمات يجب تغيرة ..

1 - انا مش فاهم اعمل ايه ؟؟؟

2- انهى هارد ؟؟؟؟

4- درجات الحرارة كالتالى الهارد 26 , البرسيسور core#0 43 و core#1 35
و فى حاجة اسمها tmpin2 و دى درجتها 35

و هجرب الباقى و ارد عليك