رد: ما يفرمت
هذة المشكلة انا واجهتها فى اكثر من هارد 320 و 500 جيجا ..
نصيحة لك من شخص جرب وفشل ونجح ..
اعطى الهارد لصاحبة ولا تحمل على الهارد اكثر من ذلك ..
فى عندك مشكلة فى المديول 121 هيد 0 وشغال على هيد 1 ..
لو تلف هذا المديول الهارد ها يعمل التالى ..
يقوم بور يعطى تكة ثم يفصل بور ويكتب فى برنامج السلفجن مشكلة NO Device
فا كفاية محاولات كدة ..
الخطوات الاولى للتعامل مع الهارد انك توصلة على السلفجن ثم تبدا اول خطوة كلير جى ليست وبى ليست ثم ترانسليتر تفرغ اى مسارت للداتا وبقايا الملفات اللى على الهارد سواء كانت سليمة او تالفة ..
علشان تقدر تتعامل مع الميدولات صح ..
ثم تفصل الهارد بور عن السلفجن ثم تفصل كابل السلفجن وتغلق البرنامج ورتجع توصل السلفجن وتفتح البرنامج وتشغل الهارد تانى وتدخل على الاسكان وتصلح المديولات ..
و 006 لا تهتم بة لا اهمية لة ..
لكن مديول 0011 ومديول 0121 وميدولات الروم اسفل مهمين جدا اى تلف فيهم وعدم التصليح بيكون اما البوردة للهارد على وشك وداع او الميديا ..
وهنا المغامرة الكبرى مع التنبية على صاحب الهارد يا خدة سليم واشتغل يا خدة وركنة تحت الحيطة ..
انك بتجرب تشحن المدولات دى من فريم وير مطابق او قريب جدا لفريم الهارد مع اخد باك اب لفريم وير الهارد قبل تجربة الشحن وباك اب للروم ..
يعنى الهارد معاك ظاهر خطأ وعدد قليل فى ملفاتة 909 وهو المفروض يكون 1320مثلا ..
لو كانت تاريخ الهارد مثلا 3-5-2009 نشحن من فريم وير نفس العائلة ويكون قريب مثلا 10 او 15 -5-2009 ما يكون ابعد من كدة مع تقارب السيرال ..
ونجرب تانى ..
وفى قسم الشروحات تنبيهات فى حكاية فصل البورد اللى من غير سوفت تكون حذر مع البوردة 1590 اللى من غير سوفت و 1537 اللى من غير سوفت ..
انا بقى واجهت هاردات 500 لا تعطى اى عيب فى الميولات والتركات ومع الفحص كلة سليم حتى ميدول 006 واخذت منها باك اب تماما وسليم لكن بكل الاوضاع تجرب فورمات او ريت سيرفو الهاردت يتكتك ويهنج ..
حتى لو ركبتة على الجهاز العادى وتجرب تقسيم نفس القصة ..
كدة المديا تالفة وجربنا الهاردات دى على برنامج wdr شكرا ..
ووقفت وبطلت محاولات فيها منها لخسارة البرودة للهاردة او ان الميديات تخبط نهائى وكدة تبقى مشكلة بينى وبين صاحب الهارد ..
راجع كلام كويس ..
افهم ما كتبتة لك ..
وقرر علشان ما تخسر او تقع فى مشاكل ..
يا تغامر وتجرب وا اشتغل الهارد يا تلف تماما ..
الاختيار لك ..
وكلامى دة ها اكتبة تانى فى موضوع هنا ليكون نصيحة لك ولغيرك ..
