حيلة وحل ومهارة للتعامل مع الهاردات التى بها بادات شديدة ..

[هانى الساحر]

   

رد: حيلة وحل ومهارة للتعامل مع الهاردات التى بها بادات شديدة ..

الله ينور يا هندسه

:: اتمنى الاستفادة للجميع هنا ::

 

 

[هانى الساحر]

   

رد: حيلة وحل ومهارة للتعامل مع الهاردات التى بها بادات شديدة ..

بشمهندس هانى السلام عليكم ورحمة الله وبركاته

جزاك الله خير الثواب على مجهودك العظيم
كنت اود استشارتك فى امر هارد 640 جيجا wd
الهارد ده عليه باد سيكتور
جربت باسطوانة الهيرن زى ما حضرتك قولت فى صدر هذا الموضوع
ببرنامج Hard Disk Sentinel
وكانت القراءة كالآتى
Drive 0:WDC WD 6400AARS-00Y5B1
S/N : WD-WCAV58296215
REV: 80.00A80
Capacity : 610479 MB
Temp.: 43 c (109 f )
perf.: 100%
power on 3 days , 8 hours
Health :0%
والقراءة ببرنامج victoria كانت كالآتى

حضرتك شايف أيه فى الأمر ده , فى أمل فى الهارد ده ولا .....​

استخدم اصدار احدث للبرنامج لان الاصدارت القديمة لا تنفع مع الهاردات ال 500 فيما اعلى ..
وفى مرحلة التيست حدد مربع مسح للباد وابدا العمل ..
وبعد انتهاء البرنامج استخدم برنامج HDD Regenerator الاصدار 1.7 الموجود فى الهيرن للمراجعة على الهارد ..

 

 

[هانى الساحر]

   

رد: حيلة وحل ومهارة للتعامل مع الهاردات التى بها بادات شديدة ..

اخى المهندس هانى هذا الامر التى ذكرت بها حضرتك هذا المثال غير متكرر لان فى معظم الاحيان ياتى هذا العيب بسب تلف فى lba التى لايقدار الجاهز على فورماتو وفى هذه الحاله لابد من معرفه رقم lba التى يقف عندهو الفورمات ثم عمل cat لهو ثم بعد ذللك عمل فورمات جى وبى

صديقى انا بتكلم عن الهاردات اللى فيها بادات قوية جدا وبيقف عندها السلفجن ولا يكمل ..
وقصة اخرى لهارد بحالة صعبة ..
جانى هارد 320 جيجا WDC WD3200AAJS-00YZCA0
بوردة 701640-002
البادات اللى فية طحن الطحن ..
فكيت البوردة اكسدة وصدا بشكل رهيب واطراف شبة معزولة الى حد استغربت الهارد دة كان شغال ازاى ..
جرب فية غيرى اصلاح وفشل بالسلفجن وبرنامج الدى اى .. :wut:
انا جربت تجربة اولية للهارد قولت شكرا دة بوردة بس ..
واشتريتة ب 50 جنية كلة وركنتة ..
فى ليلة بكى فيها القمر قعدت ارجع الهاردات اللى عندى اللى انا مشتريها بالحالات دى وقولت اجرب منا فاضى ومفيش شغل .. :evil_lol:
نركبة على العم سلفجن ..
فحص مديولات تمام وفلة ..
كلير جى ليست وبى ليست تمام وفلة ..
ريت سيرفو شكرا عند 45% ويعيد يا يهنج ..
طيب ال فورمات عند 15% ويقعد يعيد للصبح وحالف براس ابو اللى صنعوة ما يعديها ابدا ..
طيب نجرب Hard Disk Low Level Format Tool عند 14% وشكرا يهنج الجهاز كلة والويندوز ..
يعنى خلاص الهارد دة تحت الحيطة ونقول زى ما قولنا بوردة بس ..
شوى عم بسوى انا عند زبون مزنوق فى اى هارد 320 يخلص بية مشكلة ..:crazy:
نشتغل بى الشغل القديم ..
وبالهيرن بوت استخدمت البرنامج
WDClear 1.30
وها عند 36% ووقف البرنامج ..
ياد الكسوف نعيد تانى مهو كدة الهارد تالف وملك لى ولا مشكلة لو ودع .. :crazy:
وها كمل ..
وقولت اعيد تانى وعيدت تانى علية بالبرنامج مخ صعيدى قفل نعمل اية ..:TFR28:
ثم دخلت ويندوز وشغلت برنامج low level format tool -4.12
ها بيفرمت ويقف ويرجع يكمل ..
ها فى امل ..
ثم طفيت الجهاز ودخلت ويندوز تانى ..
ومع الزعيم برنامج Victoria اصدرا 4.46 وعمل تيست مع تحديد مربع ايرس او مسح للباد ..
وقعد يطحن في الهارد ساعتين ويمسح .. :TFR28:
ثم عودة تحت الدوس واسطوانة الهيرن بوت ومع العملاق HDD Regenerator اصدرا 1.7 هيرن بوت 11
وقعد برضة 4 ساعات يطحن ويصلح البادات فى الهارد ويصحح .. :TFR28:
واخيرا ..
قررت ارجع تانى للعم سلفجن اشوف حالة الهارد اية ..
لانة رفض ريت سيرفو ورفض فورمات ورفض كلير سمارت نهائى ..
اول تجربة كلير كلة مع ريت سرفو ..
طول شوية لكن كمل الى النهاية ..
تانى تجربة ال فورمات طول شوية لكنة كمل وما اعاد العملية ولا مرة ..
وعودة الى برنامج HDD Regenerator وفحص الهارد ..
النتيجة فلة الصحة 100% وما فى اى باد فى الهارد لكن فى بعض المناطق كان بيعد بطئ شوية لكن بادات يعلمها لا ..
واتصلح الهارد .. ngue:
وليس هذا الهارد فقط بل 4 هاردات تانى زية بنفس الطرق والمحاولات وصلحتهم ..
وبعتهم وقدرت استفيد بفلوس منهم بدل عملية الدبح ركن الميديا وتركيب البرودة لهارد اخر .. :bye1:
هذا هو الهدف من هذا الموضوع والفكرة بما اقدمة من شرح هنا ..
ان السلفجن وحدة لا يكفى او اى جهاز هاردات ..
لازم البرامج الاخرى كا مساعدة لهذة الاجهزة ..
ولازم الخبرة والمهارة مع الاجهزة والبرامج ..
ولازم الاساليب والطرق والاحتراف ..
ولازم الصبر والمحاولات والكفاح ..
مفيش فلوس بدون تعب ..
مفيش مكسب بدون تعب وشغل ..
الا بالنصب طبعا والاحتيال وهذا مرفوض ..
واكتفى بهذا القدر ..
هانى رفعت ..

 

 

[محمد حازم]

   

رد: حيلة وحل ومهارة للتعامل مع الهاردات التى بها بادات شديدة ..

بصراحة فكر راقى ومجهود رائع م هانى لك خالص الشكر والتقدير واود ان اعرف من حضرتك لماذا انت معتزل ومتوقف عن كافة اعمال الصيانة كما هو مذكور فى توقيعك مع خالص احترامى

 

 

[هانى الساحر]

   

رد: حيلة وحل ومهارة للتعامل مع الهاردات التى بها بادات شديدة ..

بصراحة فكر راقى ومجهود رائع م هانى لك خالص الشكر والتقدير واود ان اعرف من حضرتك لماذا انت معتزل ومتوقف عن كافة اعمال الصيانة كما هو مذكور فى توقيعك مع خالص احترامى

الحقيقة انا لم اعتزل بالكامل مجال الصيانة ..
ولكن اسباب اعتزالى كثيرة ..
1 - عدم توافر راس المال لشراء وتكوين كم من قطع الغيار الجديدة والتقطيع ..
2 - انا لا اصلح الشاشات LCD لعدم توافر قطع الغيار لها هنا والتقطيع .
3 - انا لا اصلح اللاب توب لنفس السبب .
4 - انا لا اصلح الاجهزة الاوريجنال لنفس السبب .
5 - يوجد هنا 4 غيرى فى المدينة شغالين صيانة هارد وير وبيعكوا فى كل شئ واحلى حاجة القدرة على النصب على الزبون ..
وانا صادق وصريح فى تعاملاتى ..
واخيرا اساليب الزبائن هنا اساتذة فى مجال الفصال وكانهم عايزين التصليح وقطعة الغيار وتديهم فلوس على الحاجة كمان ..
بمعنى يجيلك هارد 320 كلة بادات وعايز شحن فريم وير اقل واجب فية يكون 50 جنية اتعاب شكرا عايزين الدفع يكون 25 جنية وتعبية داتا وتنزل نسخة ويندوز علية ..
وتبقى المصيبة لو ها تعزل منة مناطق مش نافع فيها تصليح يبقى اخرك 15 جنية زى اى مكتب كمبيوتر بيصلح البادات ببرنامج HDD Regenerator .
يعنى امخاخ صعيدى طحن الطحن ..
تجيلك مثلا بوردة 945 جيجا قاطعة داتا وتكتشف انها عايز قطع غيار كنترول بروسسر 6520 وحاجات تانى مثلا بتكلفة تصل الى 20 جنية قطع غيار غير نظافة وتظبيط وكلة وفك من كيسة وصلح وارجع قفلها ونزل ويندوز عليها للتأكد انها تمام ..
اقل واجب يكون 50 جنية اتعاب ويبقى اخرك بعد الفصال ممكن 30 جنية ..
زهقت وتعتب وقررت اشتغل هوائى بمزاجى اللى يقبل اسعارى اقبل منة شغل واللى يفاصل ويخفض سعر التصليح ارفض شغل ..
بخلاف بتيجى هاردات ليس لها بورد وصعب تصليحها واى حركة معها ممكن الهارد يفصل فى ايدك وخصوصا الهارد ذات البورد 701537 ..
او هاردات بعد فحص الهدود فيها هدود بتقف يعنى اى فورمات عالية على السلفجن ممكن الهارد يطير وتبقى مشكلة وتتحمل انت ثمن الهارد والزبون مش عايز يفهم الاختيار يا اشتغل يا بقى حتة حديدة عايز يا يتصلح يا ياخدة زى ما جابة ..
وتيجى بورد كمان ليس لها قطع غيار مثل g41 بكل انوعها غير الجيجا بايت اعطال كنتورلات بروسسر و IT وغيرة لا تواجد لقطع الغيار لها ..
هنا انا فى مدينة تحت محافظة سوهاج غير اى مكان اخر حاجات كتيرة غير متوافرة جديد او تقطيع حتى فى القاهرة ..
غير انتشار الاجهزة الاوريجنال بكل انوعها هنا بصورة كبيرة قوى وانواع هاردات سيجيت وماكستور وغيرهم ..
وهذة لا تركب على السلفجن اللى عندى ...
فا من 8 شهور قررت الاعتزال وانى اشتغل هوائى بمزاج وارفض شغل كتير كلة عك وغيرى جرب فية وارفض شغل الزباين لن تدفع فلوس حقيقة مقابل الشغل والتصليح ..
وارفض هاردات مشكوك فيها ..
لكن انا امتلك الخبرة والمهارة ..
واكتفى بهذا القدر ..